АРЫЛУ

Келдіңіз бе?

Жақсы болды-ау, жақсы шын!

Таныдың ба?!

Жесір жердің бақсысын!

Елім мынау – етегіне ес жиып,

Таба алмаған санасының тапшысын.

 

Есте болар,

Сіз жасаған көнеде –

Бақсыз жаным жаутаңдап жүр денеде.

Болмас бойға бөз жапсырған,

Аллам-ай,

(Ашуланып қалдыңыз ба? Немене!!!)

 

Келдіңіз бе?!

Бір келер деп күтіп ем,

Мәнсіз күннің милау ойын жұтып ем.

Көрдім дағы ақыл жетпес ақ үнді,

Сүтке айналым,

Жаңа ғана түтін ем...