Байланыс телефондары:
(727) 397–61–15
(707) 532-77-20

СЫР

28 июнь 2018, Четверг
286
0

Өмір солай... бағы-соры аралас,
Сезім шіркін жай-күйіңе қарамас.
Сен – аққайың, құмар қылған жанымды,
Мен деген бір – жапандағы қарағаш.

Іңкәр дүние қол созғанда алыстан,
Сезім сел боп өн бойымда жарысқан.
Аласұрып «ылаң» салып жатыр ғой
Жүрек сорлы – кеудедегі арыстан.

Алғаш сені көрген сәтте-ақ мен деген
Бір бақыттың кәусарына шөлдегем.
Жараланып жас жүрегім сезімнен,
Өз жырыммен өзімді-өзім емдегем.

Жұбанышым жырым еді-ау қолдағы,
Жүрегіме ол да дауа болмады.
Көз алдымнан кетпей қойды-ау қалықтап,
Аққу мүсін, ай дидарың... сондағы.

Болғаныммен қанша жерден төзімді.
Сағынбауым мүмкін емес өзіңді.
Қиын екен байлап ұстау жүректе
 Лапылдаған, лапылдаған сезімді!
Талқылау
Пікір қалдыру
Пікірлер (0)
Түсініктеме
Кликните на изображение чтобы обновить код, если он неразборчив
Қазақстан Республикасы Ұлттық Кітап Палатасы-"Ақпараттық технологиялық орталығы" Қоғамдық қоры