Байланыс телефондары:
(727) 397–61–15
(707) 532-77-20
» » Шерхан МҰРТАЗА "КЕНТАВР – ҰЛТТЫҚ РУХТЫҢ СИМВОЛЫ"

Шерхан МҰРТАЗА "КЕНТАВР – ҰЛТТЫҚ РУХТЫҢ СИМВОЛЫ"

12 июль 2018, Четверг
296
0

Шерхан МҰРТАЗА, 

Халық жазушысы, Жамбыл облысы Жуалы ауданында дүниеге келген. М.В.Ломоносов атын­дағы Мәскеу мемлекеттiк уни­вер­ситетiнiң жур­на­листика фа­куль­тетiн бiтiрген. Қазақ КСР Мем­леке­ттiк сыйлығының иегерi. Қазақ КСР-ның еңбек сiңiрген мәде­ниет қызметкерi. «Құрмет белгiсi», «Отан» ордендерiмен, медальдармен марапатталған. ПЕН-клуб сыйлығының иегерi.


КЕНТАВР – ҰЛТТЫҚ РУХТЫҢ СИМВОЛЫ

(алғы сөз)


Игiлiк ауылы — Жамбыл об­­лысы Сарысу ауданы кө­ле­мiнде жат­қан құтты мекен. Бiр жағы Қызылкөл, Баба түктi Шашты Әзiз әулиемен шек­тес­кен Созақ ауданына жалғасса, ар­ғы жағы Арқаға қарай ұлас­қан берекелi, киелi жерлер. Мi­не, осы аймақта бергi заманның өзiн­де небiр атақты таланттар дүниеге келдi. Олардың төре­сiндей, төбе биiндей болып тау тұлғалы Асанәлi жүр. Илья Жа­­қанов бар! Амангелдi Сен­бин бар едi... Ал, сол өнер алып­тарының жалғасындай Ма­рал­тай атты ақын шықты Са­ры­судан. Оның от-жалынға оранған өлеңдерiн бiрер сөзбен суреттеу өте қиын. Оны iздеп тауып оқу керек! Маралтайдың өлеңдерi, шынында да, Кентавр — кеудесi адам, басқа тұлғасы тұлпар тектес құбылыс.

Қара сөздiң бүгiнгi перiлерiнiң бiрегейi Несiпбек Дәутайұлы жазғандай, Кентавр ол — Айғыр кiсi. Кезiнде кентавр туралы марқұм Марат Қабанбай да қалам тербеген.

Тұлпар мен адам бiрiгiп кеткен керемет мүсiн кентавр туралы бұрынғы ғажайып ертегiлерден оқитынбыз. Ал Маралтайдың Кентавры көз алдыңа — гауһардай поэзия тiлiнде оралғанда, ежелгi қазақ жырларының көсемi «Қобыланды» дастанындағы «Көлденең жатқан көк тасты саз балшықтай илейтiн» Тайбурылдың тұяғы елестей бередi. Бұл - бiздiң жарты әлемдi жаулаған ата-бабаларымыздың Рухы. Ата-бабаларымыз жарты әлемдi тiзерлетсе, Маралтайдың жырлары неге нашар болуға тиiстi?!

Жарайсың, Маралтайдың Адам мен Тұлпар тұтасып кеткен «Кентавры!»



Талқылау
Пікір қалдыру
Пікірлер (0)
Түсініктеме
Кликните на изображение чтобы обновить код, если он неразборчив
Қазақстан Республикасы Ұлттық Кітап Палатасы-"Ақпараттық технологиялық орталығы" Қоғамдық қоры